Promoción da Igualdade - Convivir en BoTrato

 A ANPA do noso centro foi beneficiaria dunha subvención destinada á promoción da igualdade, que permitirá poñer en marcha diferentes actividades e iniciativas dirixidas a fomentar valores como a igualdade, o respecto, a convivencia e a eliminación dos estereotipos e das discriminacións.

Grazas a esta axuda, durante o vindeiro mes de outubro desenvolveranse no colexio diferentes accións e actividades de sensibilización sobre a igualdade, nas que poderá participar o alumnado.

Estas propostas estarán pensadas para traballar, dun xeito educativo, participativo e adaptado ás diferentes idades, a importancia de construír unha sociedade máis igualitaria, inclusiva e respectuosa.

Desde a ANPA agradecemos a concesión desta subvención, que nos permite seguir impulsando iniciativas que contribúan á formación dos nosos nenos e nenas e á creación dunha comunidade educativa baseada no respecto, a igualdade de oportunidades e a convivencia.

📅 Durante o mes de outubro, a igualdade será protagonista no noso colexio!

Dende a ANPA poñemos en marcha este programa para previr as violencias machistas desde a infancia econstruirr unha convivencia baseada no respecto, a igualdade e o botrato. 

Traballaremos co alumnado, profesorado e familias para identificar estereotipos e micromachismos, valorar a diversidade, desenvolver habilidades emocionais e comunicativas e fomentar relacións máis igualitarias, inclusivas e libres de violencias.

Así mesmo crearemos un recurso didáctico que daremos a coñecer nunha xornada comunitaria que convidaremos a vos acheguedes!

Porque educar en igualdade é cosntruir un futuro de botrato.

Porque educar en igualdade é construír xuntos un futuro mellor. 💜

Actividade Sonidos del Tiempo 2026

Talleres en Grandas de Salime e Boal

Desde a próxima Asturias, en Grandas de Salime e Boal, chéganos esta proposta musical para as fins de de semana de outubro. 

Sons do Tempo chega en 2026 ao occidente de Asturias cunha nova edición que converterá Grandas de Salime e Boal en espazos de encontro, creación e convivencia a través da música.

Impulsado pola Orquestra de Cámara Solidaria (OCAS), o proxecto nace para achegar novas experiencias culturais ao medio rural e favorecer os vínculos entre xeracións. A música convértese así nunha linguaxe común capaz de reunir a nenos, novos, adultos e maiores ao redor dunha mesma experiencia.

Durante as fins de semana de outubro desenvolveranse tres talleres gratuítos e abertos a todas as idades, pensados para desfrutar, aprender e crear xuntos. Non é necesaria experiencia previa.

Tres xeitos de vivir a música

Canto

Un espazo para descubrir a voz, cantar en grupo e experimentar a forza de construír música entre todos. As voces de distintas idades atoparanse para preparar parte da proposta que chegará aos concertos finais.

Baile e danza

Música e movemento únense nun taller para desfrutar do ritmo e da expresión corporal. Unha actividade participativa e aberta na que cada persoa poderá atopar o seu propio xeito de bailar e compartir o espazo cos demais.

Construción de instrumentos

Pode un obxecto cotián converterse nun instrumento musical? Este taller propón experimentar con materiais reciclados, imaxinación e son para crear os nosos propios instrumentos e descubrir outras formas de facer música.

Cando e onde?

Os talleres terán lugar en espazos municipais de Grandas de Salime e Boal durante tres fins de semana de outubro:

3 e 4 de outubro

10, 11 e 12 de outubro

17 e 18 de outubro 

Cada taller terá unha duración aproximada dunha hora e media. A información concreta sobre espazos e organización das sesións facilitarase ás persoas participantes.

Do taller ao escenario

Sons do Tempo non termina nos talleres. Todo o aprendido e compartido durante outubro desembocará en dous concertos moi especiais, nos que as persoas participantes poderán formar parte da experiencia musical xunto á OCAS (Orquestra de Cámara Solidaria).

Os concertos finais contarán ademais coa colaboración de Kase.O:

24 de outubro · Grandas de Salime

25 de outubro · Boal

Esta participación é unha parte esencial do espírito de Sons do Tempo. Na súa primeira edición, as persoas que pasaron polos talleres terminaron integrándose activamente nos concertos como intérpretes e protagonistas da creación artística. A experiencia mostrou como a música pode converterse nun punto de encontro entre xeracións e nunha forma de dinamizar as comunidades rurais.

Participa

Os talleres son gratuítos, para todas as idades e non requiren experiencia previa.

Non importa se nunca cantaches nun coro, se pensas que bailar non é o teu ou se xamais construíches un instrumento. Só fan falta curiosidade e ganas de compartir.

Ven a cantar. Ven a bailar. Ven a construír. E, sobre todo, ven a formar parte de Sons do Tempo.

Máis información e inscricións para Boal e Grandas de Salime en:

pmdboalgrandas@boal.es

WhatsApp e tlfono.: 663 931 656

Convocatoria do programa educativo Menores conectados: educación dixital en ciberseguridade e privacidade dirixido ás familias 26/27

Menores conectados 2026/27

A Xunta de Galicia convoca o programa “Menores conectados: educación dixital en ciberseguridade e privacidade” , dirixido a familias do alumnado de centros sostidos con fondos públicos non curso 2026/27 .

Finalidade: formar ás familias para acompañar vos menores nun uso seguro, responsable e proveitoso das tecnoloxías, redes sociais, videoxogos e dispositivos móbiles.

Destinatarios: familias de alumnos de entre 10 e 18 anos .

Contidos principais:

- Riscos dixitais como ciberacoso, contidos inapropiados, exposición de datos e uso excesivo de pantallas;

- Privacidade e seguridade en móbiles, redes sociais e videoxogos;

- Supervisión e acompañamento familiar;

- Xestión saudable do tempo de pantalla;

- Pegada dixital e protección da privacidade.

Formato: un obradoiro práctico presencial por centro, impartido por especialistas dá Amtega.

    Duración: 1 hora e media .

    Participantes: entre 10 e 50 persoas .

    O centro debe contar co espazo activado e o proxector ou a pantalla.

    Gravarase unha sesión que poderá consultarse no portal de Ciberseguridade de Galicia.

Calendario: realizaránse 250 obradoiros entre outubro de 2026 e xullo de 2027.

Convocatoria 

Cada neno... un xoguete: unha iniciativa solidaria da ANPA 🎁❤️

Neste curso, desde a ANPA, queremos poñer en marcha unha iniciativa especial para a Nadal: 

Recollida de xoguetes co obxectivo de recadar fondos para a asociación e, ao mesmo tempo, colaborar con quen máis o precisa.

Todos os xoguetes que se recollan serán postos á venda durante no mercadillo da Foliada,  onde instalaremos un posto solidario, e por un prezo baixo as familias poderan adquirilos. Os fondos obtidos coa venda destinaranse a apoiar as actividades e proxectos do ANPA.

Pero a iniciativa non remata aí. Os xoguetes que non se vendan serán doados á Asociación STOP de Vigo, sumándonos tamén á súa campaña “Cada neno... un xoguete”, para que poidan chegar a nenos e nenas que os necesitan e contribuír a que ninghuna criatura quede sen o seu agasallo nestas datas. 🎄🎁

Por iso, animámosvos a participar nesta recollida achegando xoguetes en bo estado, que poidan ter unha segunda vida e facer feliz a outro neno ou nena.

Entre todas e todos podemos conseguir que un xoguete sexa moito máis ca un xoguete: unha oportunidade para compartir, colaborar e regalar ilusión.

📍 Recollida de xoguetes: Local da ANPA, os venres entre as 17 e as 19 horas ata o 27 de novembro
🎶 Venda solidaria: na Foliada
❤️ Destino dos xoguetes restantes: Asociación STOP de Vigo – campaña “Cada neno... un xoguete”

Grazas por colaborar e por facer posible que esta iniciativa chegue máis lonxe!

🎨🎭 Actividades extraescolares do curso 2026-2027

Comeza un novo curso e con el volven tamén as nosas actividades extraescolares! Unha oportunidade para que as nenas e os nenos poidan aprender, divertirse, descubrir novas afeccións e compartir tempo cos seus compañeiros e compañeiras fóra do horario lectivo.

Desde a ANPA preparamos unha proposta variada, pensada para diferentes idades e intereses. Danza, teatro, música, debuxo, patinaxe, piscina... Seguro que atopades algunha actividade que lles encante!

📅 Este é o noso horario

Día	Actividade	Dirixida a
Luns	💃 Danza urbana	Maiores de 7 anos
Martes	🎭 Teatro e malabares	Educación Infantil e 1.º ciclo de Primaria
	🎹 Piano e linguaxe musical	2.º e 3.º ciclo de Primaria
Mércores	🎨 Debuxo	6.º de Infantil, 1.º, 2.º e 3.º de Primaria
	🛼 Patinaxe	Educación Primaria
Xoves	🎵 Música e movemento	Educación Infantil e 1.º ciclo de Primaria
	🏊 Piscina	Todas as idades

🌟 Unha actividade para cada interese

As extraescolares son unha excelente maneira de aprender facendo, desenvolver a creatividade, practicar deporte e descubrir novas habilidades, sempre desde o xogo e a diversión.

🎭 Teatro e malabares para deixar voar a imaxinación e perder o medo a expresarse.

🎹 Piano e linguaxe musical para achegarse ao mundo da música e aprender a tocar un instrumento.

🎨 Debuxo para experimentar, crear e desenvolver a expresión artística.

💃 Danza urbana para bailar, divertirse e descubrir diferentes estilos e ritmos.

🛼 Patinaxe para facer deporte, mellorar o equilibrio e, sobre todo, pasalo ben.

🎵 Música e movemento para que as máis pequenas e pequenos se acheguen á música a través do corpo, o ritmo e o xogo.

🏊 Piscina para todas as idades, unha opción ideal para aprender e perfeccionar a natación mentres se desfruta da actividade física.

💙 Anímate a participar!

Desde o ANPA queremos que estas actividades sexan tamén un espazo para compartir, aprender e gozar xuntos, máis alá das aulas.

Animámosvos a consultar toda a información sobre inscricións, horarios, prazas e prezos e a participar nas actividades que máis vos interesen.

Agardámosvos para comezar o curso con moita enerxía, creatividade e diversión!

👉 Para calquera dúbida ou consulta, podedes poñervos en contacto ca ANPA.

Feliz curso e a desfrutar das extraescolares! 🎉

Benvidas e benvidos ao novo curso escolar!

 Comezamos un novo curso cheo de ilusión, novos retos e, sobre todo, moitas ganas de volver compartir camiño como comunidade educativa. Desde o ANPA, queremos darvos a todas as familias a nosa máis cordial benvida e desexarvos un curso estupendo.

O inicio das clases é sempre un momento especial: reencontros, novas amizades, novos proxectos e moitas experiencias por vivir. E tamén é un bo momento para lembrar que a escola é cousa de todas e todos e que a participación das familias é fundamental para construír unha comunidade educativa activa, unida e enriquecedora para as nosas fillas e fillos.

Que é e que fai o ANPA?

A ANPA é o espazo de participación e representación das familias no centro educativo. A nosa función vai moito máis alá da organización de actividades: buscamos colaborar co centro, defender os intereses das familias e do alumnado e contribuír a mellorar a vida escolar.

Entre as nosas funcións están:

• Representar as familias ante o centro e canalizar as súas propostas, necesidades e inquietudes.

• Colaborar co equipo educativo na organización e desenvolvemento de actividades.

• Promover actividades culturais, educativas, deportivas e de lecer.

• Favorecer a participación das familias na vida do centro.

• Impulsar iniciativas que contribúan ao benestar e á convivencia do alumnado.

• Informar as familias sobre cuestións de interese relacionadas coa comunidade educativa.

• Fomentar unha escola pública, inclusiva, participativa e aberta á súa contorna.

Pero, para poder facer todo isto, precisamos de todas e todos vós.

Anímate a participar!

Unha ANPA forte é unha ANPA no que participan as familias. Non é necesario ter moito tempo nin experiencia previa: cada persoa pode colaborar na medida das súas posibilidades, achegando ideas, axudando nunha actividade, participando nas reunións ou simplemente compartindo propostas e inquietudes.

Todas as achegas son importantes.

Queremos que este curso a ANPA sexa un punto de encontro para as familias, un espazo no que poidamos coñecernos, colaborar, escoitarnos e traballar xuntas e xuntos polo ben das nosas crianzas.

Por iso, animámosvos a facervos socias e socios do ANPA, participar nas actividades e achegarvos ao noso día a día. Cantas máis familias esteamos implicadas, máis cousas poderemos facer e maior será a nosa capacidade para contribuír a unha escola mellor.

Comezamos un novo curso. Comecémolo xuntas e xuntos.

Benvidas e benvidos ao ANPA e feliz curso a todas as familias! 💙